Тигез әле, җитеш тормышлар…

Халисә Ширмән

***
Тигез әле, җитеш тормышлар.
Булмаганны юкка ялгыйм да,
Бер елмаеп карыйм дөньяга.
Сагышымнан төннәр нурлана,
Айсыз күктән җиргә нур ява…

Әй, Ходаем, димен, мең риза!
Күрә белгәннәргә − могҗиза,
Илаһидыр ошбу табигать!
Җирдә яшәүләре бик рәхәт!
Биргән нигъмәтеңә мең рәхмәт!

Татлы дога йөри уемда,
Ялварып ла сорыйм Ходамнан:
Язма авыр көнгә калырга −
Ал алтынны, затлы туннарны −
Саулыгымнан бары аерма!

Купшылыкның юктыр кадере,
Артык байлык бирми рәхәтлек:
Ипи һәм сөт калсын табында.
Якынымны, бала-чагамны,
Сулыш биргән ата-анамны
Исәнлектән бары аерма!..

…Тигез әле, җитеш тормышлар.
Булмаганны юкка ялгыйм да,
Бер елмаеп багам дөньяга.
Өмет булса, күңел нурлана −
Кара төндә җиргә нур ява…

Халисә Ширмән

3+

Файма Зайнуллина

Искә ала бөтен халык,
Бүген бит Хәтер көне,
Әфган җирләреннән чыккан
Соңгы Совет гаскәре.

Цинк табутларда кайтты,
Күпме совет солдаты,
Яраланып кайтканнарның
Бар инвалид калганы.

Әфган сугышында булып,
Арадан киткәннәрне
Барлый исән калганнар
Эзләп бар белгәннәрне.

Мәңгеләштерергә куя
Истәлек такталары.
Онытмыйлар авылдашлар,
Яшь түгә туганнары.

Мондый мәгънәсез сугышлар
Булмасын иде бүтән,
Тынычлык теләп илемә
Кояш елмайсын күктән.
15.02.2021. Фәймә Зайнуллина

2+

Рәхмәт әйтү көне белән !

 (Наилә Әюпова)

Карт әнигә рәхмәт-әни өчен,

Әниемә рәхмәт-үзем өчен,

Аллаһыма рәхмәт-балам өчен,

Җир тереклегенә биргән көчен.

Төсен биргән,яшәр көчен биргән

Дөньялыкның биргән аклыгын,

Киндер сугып,ак биләүгә урап?

Әнкәм биргән күңел сафлыгын.

Җир тереклегеннән көч-хәл алам,

Инде беттем,дигәч, исән калам.

. Кеше арасында кеше булып,

Мин яшимен,син дә яшә,балам !

Әниемә рәхмәт-үзем өчен,

Йөрәгемә биргән яшәр көчен.

Гомер үткән саен бала чакның…

ачык күрәм бәпкә үлән төсен.

#НайляАюпова

 

12+