Татар теле…

ЖЕМЧУЖИНЫ ТАТАРСКОЙ КУЛЬТУРЫ

Туган җирең – Идел буе,
Һәр телнең бар туган иле.
Туган җирең кебек назлы,
Җырдай моңлы татар теле.

Ак алъяпкыч бәйләсәләр,
Өзелеп тора кызлар биле.
Кызлар кебек шат чырайлы,
Ачык йөзле татар теле.

Халкың кебек уңган да син,
Хезмәттә син көне-төне.
Ир-егетләреңдәй дәртле,
Гайрәтле син, татар теле.

Фәннән сине аерса да
Гасырларның афәт җиле,
Аксакалларыңдай олпат,
Акыллы син, татар теле.

Ассалар да, киссәләр дә,
Үлмәдең син, калдың тере.
Чукындырган чагында да
Чукынмадың, татар теле.

Яндың да син, туңдың да син,
Нишләтмәде язмыш сине?!
Дөньда күп нәрсә күрдең,
Әй мөкатдәс Тукай теле!

Төрмәләргә дә яптылыр
Җәлил белән бергә сине.
Төрмәләрдә дә килмешәк
Булмадың син, татар теле.

Зинданнарны ярып чыктың,
Ялкынланып чыктың кире.
Хәтта фашист тегермәне
Тарта алмады анда сине,
Әй син батыр татар теле!

Кабатланмас үткәннәрең –
Гасырларның яман чире.
Кабатлар сине гасырлар,
Татар теле – дуслык теле.

(Наҗар Нәҗми)

Васил Шәйхразыевның Халыкара туган тел көне уңаеннан котлавы

Бөтендөнья татар конгрессы

Без – татарлар, безнең телебез — татар теле. Запись Васил Шәйхразыевның Халыкара туган тел көне уңаеннан котлавы впервые опубликована на сайте Всемирный конгресс татар.
htps://tatar-congress.org/yanalyklar/vasil-sheyhrazy..

ТУГАН ТЕЛЕМ – РУХИ ТЕРӘГЕМ…

Сирень Якупова
Дөньяда җиде меңнән артык тел бар. Шул меңнәрнең берсе – минем бердәнберем, һәр авазын, һәрбер сүзен күңелемдә нәфис гөлдәй назлап яшәткән татар теле. Әби-бабамнардан затлы мирас булып калган туган телемә нинди генә мәдхияләр җырласам да аз булыр кебек!
Туган телем, син иң башта әниемнең бишек җырлары белән сабый җаныма иңгәнсең. Аннан соң моңлы татар сүзләре сөтле иреннәрем тибрәлгән саен берәм-берәм дөньяга сибелгән. «Ән-нә», «әт-тә», «әб-бә»… Аннан инде сөйләм телем әбиемнең тылсымлы әкиятләре, тәүге укытучымның йомшак тавыш белән укыган шигырь-хикәятләре аша баеган. Лампа яктысында, кайчак тулган ай яктысында да, йотлыгып укыган татар китаплары ярәмендә мин дөньяны, галәмне танып белгәнмен. Ә бүген исә мин туган телемдә нәфис шигъри бизәкләр үрергә омтылам. Алай гына да түгел, бу шөгыль минем тормыш мәгънәсенә, яшәү рәвешемә әйләнде.
Туган телем – син илһамчым, рухи терәгем, чиксез байлыгым! Рәхмәт сиңа! Мәңге яшә, бөек халкымны яшәт, яшьнәт, урының килер гасырларның түрендә, галиҗәнәп Вакытның күгендә булсын!

Үз телемдә сүз әйтимче,
И дөнья, колагыңа!
Гомер кыска, җавап көтмим,
Син бары тыңла гына.

Ишет кенә, сикерт кенә
Чал кашыңны, сокланып,
«О бөек Тукай теле!» – дип,
Тәүге аваздан танып.

Сирень Якупова.

21 февраль – Халыкара туган телләр көне.

Раил Гатауллин

 Бу бәйрәм – телебезнең дә киләчәге һәм бүгенгесе турында тагын уйланырга бер сәбәп. Ул телләр һәм мәдәният төрлелеген сакларга, үстерергә чакыру буларак яңгырый, башка милләт кешеләрнең телләрен ихтирам итәргә, кадерләргә өйрәтә.

Бүген, 21 февраль — Халыкара туган тел көне!

Татары УфыТуган телебезне, гореф-гадәтләребезне, мәдәниятебезне саклыйк, бу хәзинәләре киләсе буыннарга да тапшырыйк!
Татарча уйлыйк, сөйләшик, дуслар!
Бәйрәм белән сезне!

21 февраль – Халыкара туган тел көне.

Дөньяда җиде меңгә якын тел бар. Шуларның сиксән өче киң таралган. Ә өч йөз сиксән өч тел бөтенләй юкка чыгарга мөмкин. Татар теле –ЮНЕСКО тарафыннан бөтендөнья халыкара аралашу теле дип саналган 14 телнең берсе. Бу – туган телебез белән горурланырлык мөһим фактор.

Бүген Халыкара туган тел көне ! Туган телебезне саклыйк , өйрәник , туган телебездә сөйләшик !

Дания Гарәфиева-Шәрипова

Ана сөте белән
Имезгәндә туган балаңны син
Туган түгел көйләр көйлисең .
Белдекләнеп , телне вата — вата
«Скаскалар » аңа сөйлисең …
Ана күңеле , диләр , балада да ,
Бала күңеле , әмма , далада .
Чүл — далалар кичеп кайта бала
Туган моңлы газиз анага .
Ә син менә нәрсә көтәсең ?
Чит — ятлыкны аңа үзең үк бит —
Ана сөте белән кертәсең !
Рәфикъ Юныс 198