Ямьле җәйнең атар ал таңнарын…

Раушания Нуриева

Төнге томан әле таралмаган,
Кояш калка, сызылып таң ата…
Табигатьнең сихри тылсым көче
Яңа таңны җиргә ярата…
Чыклы үләннәрдән сак -сак басып,
Ялантәпи атлыйм баладай…
Колач җәеп таңны сәламлимен,
Туасы көнемне, яңадан!
Томан җайлап эри, көн яктыра,
Чык җемелдәп төшә гөлләргә.
Үткән көнгә уйдан шөкер кылып,
Өмет баглыйм килер көннәргә!
Аякларым чык тамчысы өтә,
Күңел оча таңның нурында…
Ямьле җәйнең атар ал таңнарын,
Җырлармын мин кабат җырымда…

Раушания Сафина

#укы

20+

1 июнь-җәй башы…Быел кышы да кыш булмады, язы да моңарчы булмаган сынаулары белән интектерде, әрнүле хисләр калдырды. Бар ышанычыбыз хәзер җәй айларына!

УКЫ | Татарстан | Казань | ТатарчаУКЫ | Татарстан | Казань | Татарча

Җәйнең бүген беренче көне,
Яз эзлэре әле бетмәгән.
Язгы җилләр әле үтмәгән,
Язгы чәчкәләр дә шиңмәгән.

Язгы хисләр көчлерәк була,
Җәй бик ашыкмый шуңа.
Назлы чәчкәләргә абай гына
Күбәләк булып куна.

Яфраклардан яфракларга
Камка булып үрмәли.
Тузганакның шарларына
Йомшак кына тигәли.

Таң атканда үләннәргә
Чыклар булып җыела.
Азак җиргә ялтырый-ялтырый
Бәллүр булып коела.

Яз белән җәй аралары
Сизелмичә җуела.
Шул вакытта җәй дөньяга
Сандугач булып килә.

Нурия Турьянова

#укы

 

31+

Быелгы язны без озак оныта алмабыз…

УКЫ | Татарстан | Казань | ТатарчаУКЫ | Татарстан | Казань | Татарча

23+

В Татарстане планируют записать второй сезон проекта «Татарский с Дмитрием Петровым»

Дәртле ТатарларДәртле Татарлар

Уроки по татарскому языку с известным полиглотом Дмитрием Петровым, изучившим около 50 языков, могут продолжиться. В Татарстане планируют запись второго сезона телепроекта «Татарский с Дмитрием Петровым». Об этом интервью KazanFirst рассказал замруководителя агентства «Татмедиа» Эдуард Хайруллин.

Кроме того, с Петровым идет работа и над созданием учебника по изучению татарского языка. Сроки реализации проектов Хайруллин не озвучил.

В первом сезоне телепроекта «Татарский с Дмитрием Петровым» полиглот обучил азам татарского языка по своей уникальной методике за 24 урока.

19+

Китапханәм…

Асия Курбангалиева

Китапханәм, китапларым,
Иптәш тә сез, дус та сез.
Авыр чакта юатучы
Таяныч сез, терәк сез.
Китап – туган тел сакчысы,
Тарихи хәтеребез,
Гасырларга илтүче дә
Гореф-гадәтләребез.
Гаскәр кебек төп-төз баскан
Тыгыз китап сафлары.
Барча сорауга җавапны
Мин сездән табам бары.
Чал тарихка орынып үтә
Һәрбер китап киштәсе.
Вакыт машинасы кебек
Күп чорларга илтәсең.
Танышларым күп биредә:
Су анасы, Мокамай…
Таһир белән Зөһрә монда,
Бу – Шәвәли, шук малай.
Туфан белән бәхәсләшәм,
Җәлилдән сорыйм киңәш.
Тукайдан сабырлык сорыйм –
Һәммәсе дә чын иптәш.
Каршылыйлар китапларым
Хәерле иртә теләп.
Кулда китап – ныклы һәм бай
Рухи мирас, тел, милләт.
Асия КОРБАНГАЛИЕВА.

 

18+

УКЫ | Татарстан | Казань | ТатарчаУКЫ | Татарстан | Казань | Татарча

«Олыгаям инде мин дә», − диеп,
Син уфтанма әле, күңелем!
Аңлыйсың ич маңгай сырларыннан
Атлап чыгу мөмкин түгелен…

Аңлыйсың ич үз яшеңнең күрке
Чагылганын кылган эшләрдә.
Иләс-миләс уйлар читләп үтә,
Төпле инде хәтта хисләр дә…

«Нишләргә соң?» − дигән сорауны да
Сирәк кулланасың сөйләмдә.
Син беләсең: бары таянырлык
Дуслар гына калган тирәңдә.

Катгый карар чыгарасың күбрәк,
Икеләнү күптән онытылган…
Холкың тыныч, ышанычлы хәзер:
Күз яшьләре эчкә йотылган.

Менә шундый яшьтә бит син, күңелем.
Уфтанырга бер дә кирәкми!
Гомерләрнең мондый матур чагы
Бик күпләргә әле эләкми…

Халисә Ширмән

#укы

19+

26 АПРЕЛЬ — ГАБДУЛЛА ТУКАЙ ТУГАН КӨН! Бүген бөек шагыйребез Габдулла Тукайның тууына 134 ел.

Tatar Poetry

Габдулла Тукай — Туган тел

И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.
Кечкенәдән аңлашылган шатлыгым, кайгым минем.
И туган тел! Синдә булган иң элек кыйлган догам:
Ярлыкагыл, дип, үзем һәм әткәм-әнкәмне, ходам!

В переводе Равиля Бухараева:

О язык родной, певучий! О родительская речь!
Что еще на свете знал я, что сумел я уберечь?
Колыбель мою качая, тихо-тихо пела мать,
Подрастая, сказки бабушки я начал понимать…
О язык мой, мы навечно неразлучные друзья,
С детства стала мне понятна радость и печаль твоя.
О язык мой! как сердечно я молился в первый раз:
Помоги, — шептал, — помилуй мать с отцом, помилуй нас…

#ГабдуллаТукай #ТуганТел #ГабдуллаТукай@tatarpoetry

17+

*** Җиребездән ни калыр?

 

Халиса Гараева

Ачуландымы Жир — ана,
Балалары тыңлаусыз…
Йөрәген яралыйлар бит,
Көннән- көн алар кансыз…

Кисәләр зур урманнарны,
Суырталар Жир маен…
Бер- берсе белән дус түгел,
Сугыш…аларга уен…

Тарткалыйлар, бүлешәләр,
Бердәм түгел үзләре…
Элек болай түгел иде ,
Житә иде биргәне…

Аздылар балаларым дип,
Уфылдый Жир анабыз…
Уйланыйк әле Кешеләр,
Кая таба барабыз ???

Күсе кебек «кимерәбез»,
Булганны жимерәбез…
Туя белми һич бернидән,
Комсызлар…»симерәбез».

Ирек бирмик нәфесебезгә,
Биргән саен азсыныр…
Әгәр акылга килмәсәк,
Киләчәккә ни калыр???
Жиребездән ни калыр?
ХалисәГәрәева-С.22.04.2020.

18+