Сания укый:
бүген тагын,
сине сагынудан,
балачакны урый уйларым…
Бер генә көн
үткәрдеме икән
җылы бирми синең кулларың?
Кулларыңның барлап hәр бармагын ,
искә алып, йомам күземне…
Ничә дистә еллар аша
синең янда
күзаллыймын сабый үземне..
…Менә —
синең куллар
чәчләремне тарый ,
сөя-сөя салып учына..
..менә- алар җайлап юллар бүлә,
тасма үреп толым юлына…
…Хәзер әнә —
майлап коймак өя ,
табасын да борып алдыма:
«Кайнар килеш, төптән иң майлысы,
иң тәмлесе — төпчек кызыма!»
…Əле —
көтәм бәйләм энәсеннән
оекбашка «күзләр» элгәнең,
кулың җылысыннан суынганчы ,
оекбашны тизрәк кигәнем..
…Кич утырып,
шәп мамыктан эрләп ,
ак шәл бәйли миңа кулларың,
һәрбер «телен» санап, бизәк тезә
уңга сулын өстәп юлларның…
…Юк сәбәптән елап үксим берчак,
сыпыралар яшем учларың,
…кытыршырак учың…
ләкин, бернигә дә
тиңли алмыйм аның йомшагын…
…Соңгы җылың тоеп өлгермәдем,
мине узды әҗәл чалгысы…
…Кинәт киттең,
ләкин бар гомергә
калды, Əнкәм, җаның җылысы…
…………………………………………………..
Кадерле Əниемнең якты истәлегенә баш иеп
Лилия Рә
Әллә нәрсә булган әле, Җилкәй. 
Сиңа дәшәм. Беләм, серләремне 
Гильмулла Зәкиев
Мин бит әле җылы җәйдә идем…
Матур көннәр алда булыр әле,
Елады җилләрдә өзелеп,
Файда юк әрнүдән, елаудан,
Бер җае чыкмаган эш булмас—
🌹