Рәфикъ Юнысның төрле елларда язган кыска шигырьләре : өчюллыклар , дүртюллыклар , бишюллыклар …

Берләшик әле без , берләшик !

.
Бөтендөнья шигърият көне диләр !..

~~~~~~~~~~~~~~~~~~~~~~~~~~~~~~~~~~

Картайгач
Кем нәрсәгә омтыла !—
Күңелнең ак сандыгына
Хак тула , нахак тула .
Картайгач кемдер аксакал ,
Кемдер карт нахал була …
••••••••••••••••••••••••••••••••••••

Хыялландым әле бер ,
Тауга менеп бастым да .
Рәхәт миңа яшәве
Үз күгебез астында .
••••••••••••••••••••••••••••

Көз — шул ук яз .
Бары кошлар оча кирегә ,
Бары уйлар ага үткәнгә .
Кояш олы , җылысы тик аз ,
Ә күңелгә һаман җитми наз .
Көз — шул ук яз !..
••••••••••••••••••••••••••••••••••••••

Берәүләргә кирәк биеклек
Канат җәеп очып китәргә .
Берәүләргә кирәк биеклек
Түбәнлеген һәйкәл итәргә .
•••••••••••••••••••••••••••••••••••••

Йөзләренә куркам карарга .
Нинди нурлы кояш тотылды ! —
Дошман кергән булыр арага .
•••••••••••••••••••••••••••••••••••••••••

Җир өстеннән барасың син .
Гомеркәең ничә атлам ?
Үткән генә , сүнгән генә —
Аста сөям , сагынамнар .
Җир шуңа да җылы бит ул !
Болын булып көлсә дә җир ,
Чишмә булып елый бит ул !
••••••••••••••••••••••••••••••••••••••

Ялгызлык
Кычкырсалар — әйләнеп карыйм .
Сызгырсалар — әйләнеп карыйм .
Дәшерләр күк һаман …
••••••••••••••••••••••••••••••••

Эзлим күктән йолдызларның
Акларын , керсезләрен .
… Айда аяк эзләре .
•••••••••••••••••••••••••••

Тидерим дисәң Мәңге йөзенә —
Бүгенгенең төзә күзенә !
Йолдыз булып Дөнья күгендә
Балкыйм дисәң , юлы бер генә —
Кояш бул үз халкың күңелендә !
••••••••••••••••••••••••••••••••••••••••••••

Нигә болай ?
— Тимә , аучы , харап итмә , —
Дәшә аккош өзелеп .
Ничек болай , нигә болай —
Булмый шуңа төшенеп :
Үзе аучы , үзе аккош —
Үз — үзенә мылтык төбәп
Басып тора кешелек !
••••••••••••••••••••••••••••••

Өзелеп шигырь сөйләдем
Гамьсезлек суыгында .
Алсу җанымны чайкадым
Гүя бәке суында !
•••••••••••••••••••••••••

Март
Кар алдым бер йомарлам ,—
Кояш тулган кар икән !
Малай чактагы шуклык
Әле һаман бар икән !
Әле шаян мутлык та
Утлы яшьлектән калган !
Кайсыгызга ыргытыйм ,—
Кар алдым бер йомарлам !
••••••••••••••••••••••••••••••••••••••

Сөенәсең
Сөенәсең : гыйлем булып үсә лә .
Телен кисеп , йөрәк итен печәләр !
•••••••••••••••••••••••••••••••••••••••••••••••

Бармы хакың ?!—
Хәлсез закон
Изи кәгазь йодрыгын .
•••••••••••••••••••••••••••••••

Керпе
Кабарынды — куркыныч !
Мең штык һәм мең кылыч !
Шул куркыныч энәләргә
Учым куйдым , шунда тойдым :
Йөрәге тибә еш — еш .
•••••••••••••••••••••••••••••

Кайнар тузан булып ( С.Щипачевтан )

Үтә еллар … Үтсен , әйдә үтсен !
Еллар мине , әйдә , туфрак итсен !
Болын буйлап бер кыз килер . Шунда
Таркалуны җиңеп талпынырмын .
Чәчәк исе сеңгән тезләренә
Кайнар тузан булып кагылырмын .

Фотолар Рәфикъ Юныс архивыннан

5+

©Мөхәммәдьяр

ЖЕМЧУЖИНЫ ТАТАРСКОЙ КУЛЬТУРЫ

Татары и Татарочки

Все дела доводятся до конца, благодаря терпению,
Терпеливый разумен всегда…

© Татарский поэт Казанского ханства Мухаммадьяр

Сабыр берлә барча эш хасил булыр,
Сабыр кыйлган даимән гакъил булыр…

5+

" Бәхет телибез!"

Эй, Ходаем!
Көн артыннан көннәрне уздырып,
Язмыш сукмагыннан атлыймын.
Тормышымның узган минутларын,
Күңел күзлегемнән карыймын.

Иңемне авырлык баскан чакта,
Син канатлар куйдың очарга.
Борчыла күрмә, балакаем, дип ,
Көч өстәдең минем җаныма.

Кер күңелле, изге җанлы булдың,
Яктылыкка табан өндәдең.
Кырыс язмышыма каршы барып,
Биеклеккә мине күтәрдең.

Тормыш булгач, төрле вакыт була,
Тауга менеп, таудан төшү дә.
Синең янда гел дә булыр дидең,
Шатлык белән кайгы янәшә.

Бүген исә язмышымның
Һәр минутына рәхмәтле.
Зарланмыйча яши бирәм,
Тормышым матур һәм ямьле.
Нурзида Яруллина

6+

Нәүрүзне көтә күңел!

Файма Зайнуллина

Март уртасына җитсәк тә,
Һаман да салкын әле,
Көнозын кояш булса да,
Кыш һич бирешми әле.

Кара каргалар да килде,
Яз гына әллә нишли,
Түбәләрдә боз соңгесе,
Ә кыш һаман бирешми.

Чыпчыклар да чырык-чырык,
Чыркылдыйлар һәр иртә,
Җил дә исми, тып-тыныч,
Салкыннар бетми нигә?

Календарьда яз бит инде,
Март бит кыш ае түгел,
Сагындырды яз сылуы,
Нәүрүзне көтә күңел!
14.03.2021. Фәймә Зайнуллина

4+

Незабудки…

Анна ОпаринаАнна Опарина

Что в них, в голубеньких, такого,
Что так и хочется глядеть.
Какое же присвоить слово,
Какой строкой запечатлеть,
Чтоб дать почувствовать их легкость,
Наивность чистой простоты.
Мешает языка неловкость
Раскрыть все тонкие черты.
Что в них такого? Понимаю,
Мне кажется… Я потому
От незабудок замираю,
Что в дней обычную тесьму
Они естественно ложатся,
Роскошества им чужда спесь
И не привыкли красоваться,
Такие уж – какие есть:
Непринуждённы, безмятежны,
Малы, скромны, глаза не жгут…
А как милы, им имя – «нежность»,
Хоть незабудками зовут.
Гляди, на поле засияли
Росой голубенькой с небес,
Забудешь ты теперь едва ли
Их ласковый и тихий блеск…
14.06.20 Анна Опарина

 

17+

Гасыр чире…

Файма Зайнуллина

Гасыр чире котырына,
Һич аңлый торган түгел,
Җир шарын камап алган бит,
Галәмдә күпме үлем.

Хөкүмәт карары катгый,
Укулар туктатылды,
Өйдә генә утырырга
Дигән карар чыгарды.

Таҗлы вирус, гади түгел,
Бик тә уйландыра шул,
“Сиди дома!”, “Өйдә утыр!” –
Тыңла сүзне, өйдә бул!

Ил белән килгән афәт бит,
Түзәргә туры килә,
Урамга чыкмасак кына
Безне ул тапмый китә.

Хөкүмәт карары катгый,
Чыкмаска ди урамга,
Шулай гына качып була
Бу афәттән чыннан да.
(Фәймә Зайнуллина)

23+

Гомер кыска… Тормыш мәшәкатьләре белән аның узганын сизмисең дә… Чабасың да чабасың…

Фарид Мухаметшин

Тормыш юлында кеше күпме сынаулар: үзәк өзгеч югалтулар… моң-сагышлар кичерә…
Йа, бер Раббым Аллаһ! Үзеңә барысы өчен рәхмәтле, разый булган хәлдә, һаман Синең рәхмәтеңне, мәрхәмәтеңне, ярлыкавыңны өмет итә-итә, матурлыкка, гүзәллеккә, камиллеккә омтыла-омтыла яшибез… мәңгелек бәхет көтәбез… безгә РӘХИМЛЕ булсаң иде! Әәәмиин!

Күзләр генә еламыйлар…
Күп вакытта
Йөрәк елый икән илереп…
Саркып чыга алмый яшьләре дә,
Күренми дә,
Тирәнрәк кала күмелеп….

Йөрәк елый…
Озак Вакыт елый…
Сөртеп алып булмый яшьләрен…
Күренмәгән күз яшьләре белән
Дәвам итә кеше яшәвен…

Венера Мәхмүтова

23+

Аккошларның мәхәббәтен анлап,…

Гульсария Басырова

Пар аккошлар төшкән күлебезгә…
Күргәнем юк иде якыннан.
Бер пар йөзә, әнә икенчесе,
Өченчесе йөзә артыннан.

Яратуын белгертергә теләп,
Кагылып китә аккош парына.
Сокланыплар карый, башын чайкап,
Янда йөзгән ап-ак ярына.

Тирәсендә әйләнепләр килә,
Дулкын кала уйнап эзендә.
Олы хиснең ни икәнен белгән
Илаһилык күрдем йөзендә.

Сулышларым туктагандай булды,
Күз яшемне хәтта тыймадым.
Аккошларның мәхәббәтен анлап,
Камышларга качып еладым…
Г. Басыйрова

19+