Гасыр чире…

Файма Зайнуллина

Гасыр чире котырына,
Һич аңлый торган түгел,
Җир шарын камап алган бит,
Галәмдә күпме үлем.

Хөкүмәт карары катгый,
Укулар туктатылды,
Өйдә генә утырырга
Дигән карар чыгарды.

Таҗлы вирус, гади түгел,
Бик тә уйландыра шул,
“Сиди дома!”, “Өйдә утыр!” –
Тыңла сүзне, өйдә бул!

Ил белән килгән афәт бит,
Түзәргә туры килә,
Урамга чыкмасак кына
Безне ул тапмый китә.

Хөкүмәт карары катгый,
Чыкмаска ди урамга,
Шулай гына качып була
Бу афәттән чыннан да.
(Фәймә Зайнуллина)

23+

Гомер кыска… Тормыш мәшәкатьләре белән аның узганын сизмисең дә… Чабасың да чабасың…

Фарид Мухаметшин

Тормыш юлында кеше күпме сынаулар: үзәк өзгеч югалтулар… моң-сагышлар кичерә…
Йа, бер Раббым Аллаһ! Үзеңә барысы өчен рәхмәтле, разый булган хәлдә, һаман Синең рәхмәтеңне, мәрхәмәтеңне, ярлыкавыңны өмет итә-итә, матурлыкка, гүзәллеккә, камиллеккә омтыла-омтыла яшибез… мәңгелек бәхет көтәбез… безгә РӘХИМЛЕ булсаң иде! Әәәмиин!

Күзләр генә еламыйлар…
Күп вакытта
Йөрәк елый икән илереп…
Саркып чыга алмый яшьләре дә,
Күренми дә,
Тирәнрәк кала күмелеп….

Йөрәк елый…
Озак Вакыт елый…
Сөртеп алып булмый яшьләрен…
Күренмәгән күз яшьләре белән
Дәвам итә кеше яшәвен…

Венера Мәхмүтова

23+

Аккошларның мәхәббәтен анлап,…

Гульсария Басырова

Пар аккошлар төшкән күлебезгә…
Күргәнем юк иде якыннан.
Бер пар йөзә, әнә икенчесе,
Өченчесе йөзә артыннан.

Яратуын белгертергә теләп,
Кагылып китә аккош парына.
Сокланыплар карый, башын чайкап,
Янда йөзгән ап-ак ярына.

Тирәсендә әйләнепләр килә,
Дулкын кала уйнап эзендә.
Олы хиснең ни икәнен белгән
Илаһилык күрдем йөзендә.

Сулышларым туктагандай булды,
Күз яшемне хәтта тыймадым.
Аккошларның мәхәббәтен анлап,
Камышларга качып еладым…
Г. Басыйрова

19+

ИДЕАЛЬНЫЕ СТИХИ | ЛИТЕРАТУРА

Друзья, учитесь верности у Лебедей!
Любите так, Как любят эти птицы!
Ведь если взять вселенную, Ни с чем…
Любовь такая не сравнится.
Они не люди, Но какая стать,
Какая нежность, Преданность друг другу.
Их чувство невозможно передать,
Оно подобно истинному чуду!
Ну как не чудо? Ведь всегда вдвоем,
Крылом к крылу! В красивом оперенье
Они скользят по чистому пруду. Божественны!
Остановись мгновенье!
А преданность? Ведь если роковой
Наступит час — один погибнет,
То жить не станет и другой!
Он тоже этот мир покинет.
Вот так плывут по жизни, по воде
Два нежные, творенья!
Учитесь верности у лебедей!

20+

Үтәр афәт, килер бәхет…

Флёра Шарипова

17+

ТАҖЛЫ АФӘТ💥

FaceВенира Салахова

Бар дөньяны айкап — чайкап,

Кешелекне дөр селкетеп.

Таҗлы вирус бәреп керде,

Күп илләрне өркетеп.

Күпме чирләр яши җирдә,

Ничәмә төрле вирус…

Таҗын киеп, үчен ала,

Авырый китай, урыс…

Читать далее «ТАҖЛЫ АФӘТ💥»

16+

Тормыш гүя бизмән…

» Бәхет телибез!»

Эльвира Әхмәтова

Тормыш гүя бизмән, як-ягында кәсә,
Тигез түгел алар, тик һәрчак янәшә.
Бәхет кәсәсенә өстәсәң бер тамчы,
Сагыш кәсәләре чайпалып түгелә.
Бизмәннәргә кайчак без барын салабыз,
Сөябез, көябез, нәфрәттән янабыз,
Ташлыйбыз, табабыз, тагын югалтабыз.
Кәсәгә күз яше тамадыр чарасыз.
Кадерләрен белеп яшик бу тормышта,
Язмыш кәсәсенә салып шатлык кына.
Ходай гына белә, кайчан кәсә тула,
Бизмән тигезлеге тик үзеңнән тора.
Үлчи алсам әгәр, бизмәннәрне табып,
Кәсәләргә тигез салыр идем алып.
Бер ягына бәхет, бер ягына шатлык,
Бер ягына гомер, бер ягына саулык.
Булмас иде анда сагыш һәм ялгызлык,
Булмас иде кайгы, булмас иде картлык.

19+