Ата-бабайларыбызның бәйрәме белән котлыйм, дусларым. Бәхетле киләчәк теләп калам балаларыбызга ! 7-ноябрь бәйрәме белән !

Үткән дәвер, күптән үткән инде
Балачакның изге дәвере.
Шул дәверне эзлим төшләремдә
Калды микән җирдә кабере ?

Иске дәвер, балачак хәтердә,
Гөрләп тора иде урамнар.
Бәйрәм, дисәң, менә бәйрәм иде !
Уйный иде көзге бураннар.

Истә әле, җуеп булмый аны-
Яшьлегемнең аяз көннәрен.
Бәйрәм, дисәң, менә бәйрәм иде !
Төшкә керә бүген » Кемнәрем «.

Бүген бәйрәм, кемнәр өчен икән ?
Ата-бабам рухы терелгән.
Мәшһүр эзләр калсын, дип, тарихта
Күк гөмбәздә болыт үрелгән.

Алга карыйм, туктап артка карыйм,
Арасында бармы яктылык ?….
Күпме карасам да бер хәл инде-
Арттагысы күренә ак булып.

0
Поделиться

Добавить комментарий

Ваш e-mail не будет опубликован. Обязательные поля помечены *