ХӘЕРЛЕ ИРТӘ! 4 ЗӨЛХИҖҖӘ ҺИҖРИ 1438 ШИМБӘ

Иркәләде бүген иртәм.
*****
Иркәләде бүген иртәм,
Нур эчендә гөлле кәртәм.
Чык төшкән,чирәме сутлы,
Яңа таңнан-сихри бер тәм.

Кошлар инде бик сайрамый,
Сайравның да үз вакыты.
Яшелчәдән мул бакчалар,
Шулдыр инде җирнең коты.

Иртәнге тын искән җилгә
Тып-та, тып алма коела.
Балам, төштең итәгемнән…
Әнкәм дәшкәндәй тоела.

Иркәләде бүген иртәм,
Хисләремнең сутын эчәм.
Битләремнән кояш назлый
Арткан сыман була көчем.
Наилә Әюпова

Поделиться

Добавить комментарий

Ваш адрес email не будет опубликован. Обязательные поля помечены *