Күктә якты кояш күргәнгә…

УКЫ | Татарстан | Казань | Татарча

Рамзис Мишәр Рамзис Исмагилов

 

Кояш бүген сәер генә итеп
Көзгә шундый җылы карады. 
Йомшак җиле сирәк чәчләреннән 
Салмак кына исеп тарады… 
Көз яңадан чибәрләнеп китеп, 
Җиңел сулыш белән ялтырап, 
Булсын азак, тик балкышын чәчте, 
Куакларда яфрак калтырап. 
Өр яңадан туган кебек булып, 
Шауласыннар җилдә ботаклар.. 
Тавыклары җылы күреп чыкты, 
Абзар арасыннан кытаклап…
Калган кошлар сайрагандай итте, 
Бераз кибеп барган үләндә. 
Көзнең җыры кинәт яңгырады, 
Күктә якты кояш күргәнгә. 
Моңлы иде, сагыш сугарылган, 
Яктылыкка бәлки туймаган. 
Тик шулай да азак сулышында, 
Бизәкләрен якка куймаган.. 
Үрсәләнде, горур сыны белән, 
Карашыннан чәчеп алтынын.. 
Белә торып, соңгы гүзәллеге, 
Югалтмаган ләкин асылын. 
Кояш бәлки шуңа көзкәенең, 
Җылы кочып иңен, озата. 
Көт алтыным, бер генә ел,-диеп, 
Иркә караш белән юата.. 
Рамзис Исмагилов

#укы

52+

МИН САНАДЫМ СЕЗНЕ, КОШКАЙЛАРЫМ!

Лилия Рә

Күздән яздырмыйча озата барып,
кошкайларга кулым болгадым. 
Бу юл еламам дип сүз бирсәм дә,
сизми калдым күңел тулганын. 
…Əй кошларым, исән булыгыз,
ай яктыртсын очар юлыгыз. 
Сынатмасын канат парыгыз, 
язлар белән кире кайтыгыз! 

Карлы яңгыр явып кошкайларны
аермасмы, бүлеп чылбырын..
Канатларын давыл каермасмы
каурыйларын җилгә очырып..
…Əй кошларым, исән булыгыз, 
ай яктыртсын очар юлыгыз. 
Сынатмасын канат парыгыз, 
язлар белән кире кайтыгыз! 

Мин санадым сезне, кошкайларым, 
барыгыз да язын кайтыгыз!!!

..Туган җирдән читтә йөрткән язмыш
язганнарда — сезнең хәлегез..
..өзелергә җиткән мәлегезне
беләсездер бары үзегез..

© Лилия РƏ
свидетельство о публикации 
________________________
* бу юл — бу юлы 

Ps.. 
Кошлар киткән мәл, бик күпләр өчен кебек үк, минем өчен дә башка вакытлардан, башка вакыйгалардан, башка мәлләрдән аерым… аерым бер вакыт, аерым кәеф, аерым халәт..
Шушы аерым вакытка туры килеп, озак еллар туган җиребездән бик еракта гомер иткән, миннән чак кече бер авылдашымның күптән түгел туган якларга кайткач әтисе кабере янында төшкән фотосурәтен күргәч өстәлде бу язмамның соңгы дүрт юлы. 
Яшьрәк чакта бар да икенче төрле кабул ителә. Гомер барган саен «туган туфрак тартуы» тирәнрәк аңлашыла. 
Исән-сау булып, кайтулары һич тә соңгысы түгел, алда күп тапкырлар туган җиребезгә кайтып йөрергә мөмкинчелекләре булуын телим кадерле авылдашларыма, чордашларыма, балачакташларыма. Һәм дә киткән кошларга.

39+